जयश्रीबेन अमरीशभाई पटेल सी.बी.एस. ई स्कूलमध्ये नाताळ सण आनंदात साजरा

 

शिरपूर (प्रतिनिधी )-शिरपूर एज्युकेशन सोसायटी संचलित वाघाडी ता.शिरपूर येथील जयश्रीबेन अमरीशभाई पटेल सी.बी.एस. ई स्कूलमध्ये शुक्रवार ,२४ डिसेंबर रोजी नाताळ सण मोठया उत्साहाने साजरा करण्यात आला.

कार्यक्रमात शाळेच्या मुख्याध्यापिका मा.रथी नायर मॕडमने सर्वांना नाताळ सणाच्या शुभेच्छा व संदेश दिला. 

नाताळ सणानिमित्त विद्यार्थ्यांनी प्रार्थना गीते गायली.सॅन्टाक्लॉज नी  मुलांचे मनोरंजन करून त्यांना चॉकलेट दिली . शिक्षकांनी नाताळ सणाचे महत्त्व मुलांना सांगितले. पूर्व  प्राथमिक वर्गातील विद्यार्थ्यांनी नृत्य सादर केले . प्राथमिक  वर्गाच्या विद्यार्थ्यांसाठी कॅरोल गायन स्पर्धा आयोजित करण्यात आली होती विद्यार्थ्यांनी उस्फूर्तपणे त्यात सहभाग घेतला. कार्यक्रमा अंती विजेत्यांना बक्षीस व प्रमाणपत्र देण्यात आले . अशाप्रकारे हर्ष व उल्हासात नाताळ सण शाळेत साजरा झाला.