शिरपूर - शिरपूर तालुक्यातून बाहेरगावी जाणाऱ्या व्यक्तींसाठी माजी मंत्री अमरिशभाई पटेल, आमदार काशीराम पावरा, उपनगराध्यक्ष भूपेशभाई पटेल, नगरसेवक तपनभाई पटेल यांच्या प्रयत्नाने शिरपूर येथे आर. सी. पटेल मेन बिल्डिंग येथे मोफत ई-पास सुविधा केंद्र सुरू करण्यात आले असून असंख्य नागरिक या मोफत ई-पास सुविधेचा लाभ घेताना दिसून येत आहेत. तसेच नागरिक या सेवे बद्दल समाधान व्यक्त करीत आहेत.
आर. सी. पटेल मेन बिल्डिंग येथे शिरपूर शहर व तालुक्यातील नागरिकांसाठी कोरोनाच्या पार्श्वभूमीवर अडचणीच्या काळात मोफत ई-पास ची व्यवस्था करण्यात आल्याने सर्व नागरिक मनापासून समाधान व्यक्त करीत आहेत.
गुरुवारी दि. 14 मे रोजी या मोफत ई-पास सुविधा केंद्रावर तालुक्याचे आमदार काशिराम पावरा, उपनगराध्यक्ष भुपेशभाई पटेल, शिरपूर एज्युकेशन सोसायटीचे उपाध्यक्ष राजगोपाल भंडारी यांनी भेट देऊन पाहणी केली. तसेच ई-पास काढण्यासाठी आलेल्या नागरिकांशी सुसंवाद देखील साधून त्यांची विचारपूस केली.
कोरोनाच्या पार्श्वभूमीवर सर्वत्र लॉकडाऊन करण्यात आल्याने शिरपूर तालुक्यात अडकून पडलेल्या नागरिकांना सोय करण्यात आली आहे. प्रशासनाने ई-पास अत्यावशक केले आहे. परंतु या महामारीच्या काळात जनतेची होणारी गैरसोय व आर्थिक पिळवणूक
लक्षात घेता तालुक्यातील जनतेसाठी शहरातील आर.सी.पटेल मेन बिल्डींग (पोस्ट ऑफिस समोर) येथे सकाळी ९ ते सायंकाळी ५ वाजेपर्यंत नागरिकांना मोफत ई – पास काढण्यासाठी सुविधा केंद्र दि. १३/५/२०२० पासून सुरु करण्यात आले आहे.
जनतेने या मोफत सुविधेचा सोशल डिस्टन्सिंग ठेवून लाभ घ्यावा. गरजू नागरिकांनी ई-पास काढण्यासाठी येताना सोबत, ज्या व्यक्तींना बाहेरगावी जायचे आहे त्या सर्वांचे मेडिकल सर्टिफिकेट, ओरिजनल आधार कार्ड, पासपोर्ट फोटो सोबत आणावे असे कळविण्यात आले आहे.